Дэкан факультэта - кандыдат фізіка-матэматычных навук, дацэнт Віктар Іосіфавіч Януць.

Развіццё народнай адукацыі ў нашай рэспубліцы ў пасляваенны час паказала вострую неабходнасць арганізацыі падрыхтоўкі выкладчыкаў фізікі і матэматыкі. У сувязі з гэтым кіраўніцтвам рэспублікі было прынята рашэнне стварыць ў Мінскім дзяржаўным педагагічным інстытуце імя М.Горкага фізіка-матэматычны факультэт з аддзяленнямі фізікі і матэматыкі. У 1946 годзе быў ажыццёўлены першы набор студэнтаў (24 чалавекі) на гэтыя аддзяленні, якія на першых парах існавалі ў складзе педагагічнага факультэта.

Фізіка-матэматычны факультэт арганізацыйна выдзеліўся ў самастойны ў жніўні 1947 года. Яго першым дэканам быў прызначаны дацэнт Мікалай Аляксандравіч Бяссонаў.

У 1950 годзе факультэт зрабіў свой першы выпуск: скончылі факультэт 22 чалавекі (15 - аддзяленне матэматыкі і 7 - аддзяленне фізікі).

З 1955/56 навучальнага года факультэт перайшоў на падрыхтоўку настаўнікаў шырокага профілю (па двух спецыяльнасцях) з пяцігадовым тэрмінам навучання: матэматыкі і чарчэння, фізікі і асноў вытворчасці, а ў далейшым – фізікі і агульнатэхнічных дысцыплін.

З кастрычніка 1958 года дэканам фізіка-матэматычнага факультэта прызначаны С.А.Каралёў, які працаваў на гэтай пасадзе да 1974 года, а пасля выдзялення матэматычнага факультэта ў самастойны – дэканам гэтага факультэта да 1977 года. У 1961 годзе загадчыкам кафедры агульнай фізікі быў абраны выпускнік інстытута, малады вучоны, кандыдат фізіка-матэматычных навук М.С.Цэдрык, які працаваў на гэтай пасадзе да 1972 года, калі быў прызначаны на пасаду прарэктара інстытута па навуковай рабоце.

З 1 верасня 1965 года кафедра асноў вытворчасці рэарганізуецца ў кафедру тэхнічных сродкаў і праграміраванага навучання, а методыка выкладання фізікі ўваходзіць складальнай часткай гэтай кафедры. Загадчыкам кафедры быў абраны Ф.Р.Кітуновіч, які ажыццяўляў кіраўніцтва кафедрай да 1975 года.

У маі 1972 года на пасаду загадчыка кафедры агульнай фізікі быў абраны дац. А.С.Мікуліч, які працаваў на гэтай пасадзе да 1983 года, на пасаду намесніка дэкана быў прызначаны дац.У.А.Якавенка.

У жніўні 1974 года ў адпаведнасці з рэкамендацыямі дзяржінспекцыі Міністэрства вышэйшай адукацыі СССР пастановай вучонага савета і адпаведным загадам рэктара інстытута на базе фізіка-матэматычнага факультэта ствараюцца два самастойныя факультэты: матэматычны і фізічны. Дэканам матэматычнага факультэта застаўся дац. С.А.Каралёў, дэканам фізічнага быў абраны дац. У.А.Якавенка, якому ў 1989 годзе было прысвоена ганаровае званне “Заслужаны работнік народнай адукацыі Рэспублікі Беларусь”, у 1993 годзе – званне прафесара па кафедры агульнай фізікі. Узнагароджаны ордэнам “Знак почёта”, мае званне “Вынаходнік СССР”.

У 1975 годзе на аснове кафедры ТСН і праграміраванага навучання ўтвараецца кафедра методыкі выкладання фізікі, на пасаду загадчыка якой быў абраны дац. Ф.Р.Кітуновіч, які ўзначальваў яе да 1986 года. У 1977 годзе Ф.Р.Кітуновічу было прысвоена вучонае званне прафесара па кафедры методыкі выкладання фізікі, у 1982 годзе – ганаровае званне “Заслужаны настаўнік школы Рэспублікі Беларусь”. Ф.Р.Кітуновіч - удзельнік Вялікай Айчыннай вайны, узнагароджаны двума ордэнамі і чатырма медалямі. З 1986 па 1996 г. кафедру методыкі выкладання фізікі ўзначальваў дац. І.І.Цыркун, а з 1996 г. узначальвае дац. А.А.Луцэвіч.

Загадам Мінпроса БССР з 1 верасня 1978 года на фізічным факультэце была створана кафедра матэматыкі. За час існавання кафедры яе ўзначальвалі: дац. В.П.Пірутка (1978-1983 г.г.), праф. А.А.Дадаян (1983-1986 г.г.), дац. Ю.А.Быкадораў (1986-1988 г.г.), дац. У.А.Шылінец (1988-2003г.г.), дац. П.І.Кібалка ( з ? 2003г.)

У 1988 годзе была створана кафедра асноў электронікі і вылічальнай тэхнікі, загадчыкам кафедры быў абраны дац. С.Дз.Зінчук. За прайшоўшы час істотна змяніліся задачы і змест падрыхтоўкі, а таксама матэрыяльная база, што знайшло адлюстраванне ў змене назвы кафедры. Яна стала называцца кафедрай інфарматыкі і асноў электронікі. Былі ўведзены новыя курсы, арганізаваны новыя лабараторыі, створана адзіная інфармацыйная структура факультэта. З 1999 г. загадчыкам кафедры з’яўляецца дац. Г.А.Забароўскі.

У 1988 годзе былі аб’яднаны кафедры агульнай і тэарэтычнай фізікі, а ўзначаліў гэтую кафедру на нядоўгі час (да 1989 года) доктар фізіка- матэматычных навук У.І.Томін, а з 1989 па 1993 гады – да пераходу на пасаду прарэктара па навуковай рабоце універсітэта – дац. В.А.Бондар. З 1993 г. па 1999 г. загадчыкам кафедры працаваў дац. У.М.Котла, які з 1983 г. па 1988 г. з’яўляўся загадчыкам кафедры агульнай фізікі. У 1993 годзе ў сувязі з адкрыццём спецыялізацыі “педагог-арганізатар тэхнічнай творчасці” была створана кафедра эксперыментальнай фізікі, якую нядоўга ўзначальваў прафесар М.С.Цэдрык, дац. М.А.Юшкевіч, а з 1996 года – дацэнт С.А.Васілеўскі.

У 1999 г. кафедра эксперыментальнай фізікі была ліквідавана, а на базе кафедры агульнай і тэарэтычнай фізікі было створана дзве асобныя кафедры: тэарэтычнай фізікі, загадчыкам якой быў абраны доктар фізіка-матэматычных навук А.М.Баяркін (сакавік 1999г.), і агульнай фізікі, якую з чэрвеня 2001 года ўзначаліў дац. Януць В.І.

Важкі ўклад у развіццё факультэта, павышэнне эфектыўнасці навучальнага і выхаваўчага працэсаў, укараненню сучасных метадаў і тэхналогій навучання акрамя адзначаных вышэй уняслі працаваўшыя ў розны час намеснікі дэкана дацэнты С.І.Васілец, В.В.Кісель, Ф.Р.Кітуновіч, Г.П.Макеева, Л.Н.Марголін, Ю.І.Міксюк, Ч.М.Федаркоў, М.А.Юшкевіч, В.І.Януць.

Асновай выхаваўчай работы на фізічным факультэце з`яўляецца студэнцкае самакіраванне, самасвядомасць, творчасць. На факультэце працуюць наступныя калектывы: гурткі спартыўнага танца, вакальны, тэатральны, КВЗ студэнтаў, КВЗ выкладчыкаў, каманда гульні “Што?Дзе?Калі?”, рэдакцыя насценнага друку, група тэхнічна-камп`ютарнага забеспячэння і інш. Уся выхаваўчая работа, усе культурна-масавыя мерапрыемст-вы праходзяць у рамках традыцый універсітэта і факуль-тэта. На факультэце, ў інтарнаце і па-за межамі універсітэта праводзяцца: конкурс-агляд мастацкай самад-зейнасці студэнтаў 1 курса, вечар – “Першакурснікі фізфака”, медзіум студэнтаў 3 курса, традыцыйнае свята фізфака “Дзень фізікі”, Зорныя паходы.

З лістапада 2007 года факультэт узначаліў кандыдат фізіка-матэматычных навук, дацэнт В.І.Януць.