На факультэце ў 25 акадэмічных групах навучаецца каля 500 студэнтаў на пяці курсах з дадатковай спецыялізацыяй інфарматыка і матэматыка. Ядро, актых кожнай групы складаецца са старасты, сакратара БРСМ, прафорга, фізорга і культарганізатара, якія не тэарэтычна , а практычна ўкараняюць прынцып студэнцкага самакіравання ў рэальнае жыццё. Жыццё, якое складаецца не толькі з вучобы, але з самаадукацыў, быту і адпачынку.

Студэнцкі савет факультэта, у склад якога ўваходзяць самыя актыўныя, з творчым падыходам студэнты, падтрымлівае не толькі вучэбны тонус і працоўную дысцыпліну, але арганізоўвае па-за аўдыторныя мерапрыемствы выхаваўчага характару як на факультэце, так і ў інтэрнаце, у якім студэнты праводзяць большую частку вольнага часу.

Штогодна на факультэце праводзяцца наступныя традыцыйныя мерапрыемствы:

• аглад-конкурс мастацкай самадзейнасці студэнтаў I курса;
• вечар прысвячэння ў студэнты “Першакурснікі фізфака”;
• новагодняе тэатральнае шоу “З Новым годам!”;
• медыум студэнтаў III курса;
• свята фізфака “Дзень фізікі”;
• свята выпускнікоў “Апошні званок”.

Студэнты факультэта прымаюць самы актыўны ўдзел у мерапрыемствах, якія праводзяцца ў масштабах універсітэта:

• зорны паход;
• штогодная студэнцкая спартакіяда;
• конкурс патрыятычнай песні;
• турыстычны злёт;
• конкурс насценнага друку;
• конкурс на лепшы пакой інтэрната;
• фестываль (конкурс) каманд КВЗ;
• чэмпіянат гульні”Што?Дзе?Калі?”.

Свае прафесійныя здольнасці і мастацкі талент студэнты могуць не толькі праявіць, але і ўдасканаліць пры наведванні розных навуковых (фізікі сегнетаэлектрыкаў, лазернай спектраскапіі, фізікі цвёрдага цела, астраноміі, сучасных кампьютарных тэхналогій, методыкі фізікі) і мастацкіх (вакальнага, тэатральнага, танцавальнага, спартыўнага танца) гурткоў.