На кафедры працуюць:

прафесар Вiлькоцкi М.А., дацэнты Забароўскі Г.А., Зінчук С.Дз, Касцюковіч А.І., выкладчыкі Вабішчэвіч С.В., Юргульскі У.У., Барайшук С.М., Голiк Т.В., Міхайлоўская А.І., Новыш Г.В., Скодзіна А.П., Латушка А.А.

інжынеры і праграмісты:

Гонтараў В.Ф., Свірыдовіч В.М., Краўчанка Л.М., Ратынская Ж.I., Дудзiнаў А., Кушнярэвiч I., лабарант Бардовiч А. А.

З 2009 г. загадчыкам кафедры з’яўляецца кандыдат фiз.-мат. навук, дацэнт К.А. Саечнiкаў.

Кафедра інфарматыкі і асноў электронікі заснавана у 1988 годзе з мэтай падрыхтоўкі студэнтаў па спецыяльнасці “настаўнік фізікі і інфарматыкі” у сувязі з увядзеннем новага прадмета ”інфарматыка” ў школьныя праграмы.

Загадчыкам быў абраны дацэнт С.Дз.Зінчук, які ўзначальваў кафедру да 1999 г.

Была створана матэрыяльная база лабараторый і вучэбна-метадычнае забеспячэнне выкладаемых курсаў.

Супрацоўнікамі кафедры (Паліцкі Г.Я., Гонтараў В.Ф. і іншыя) распрацавана унікальнае абсталяванне лабараторыі аўтаматыкі, аб чым сведчыць медаль ВДНГ БССР.

З 1999 г. да 2009 г. загадчыкам кафедры быў дацэнт Г.А.Забароўскі.
Даследванні апошніх гадоў накіраваны на распрацоўку прынцыпаў і метадаў стварэння адзінага інфармацыянага навучальнага асяроддзя на аснове сеткавых тэлекамунікацыйных тэхналогій.

Выкладаемыя курсы:

• Асновы электратэхнікі,
• Асновы радыёэлектронікі,
• Асновы аўтаматыкі і вылічальнай тэхнікі,
• Фізічныя асновы ЭВМ,
• Асновы інфарматыкі,
• Асновы праграміравання,
• Праграмнае забеспячэнне ЭВМ,
• Вылічальныя метады і камп’ютэрнае мадэліраванне,
• Камп’ютэрныя тэхналогіі ў вучэбным працэсе,
• Методыка выкладання інфарматыкі

Спецкурсы і факультатывы:

• Камп’ютэрнае мадэліраванне і аналіз электронных схем,
• Камп’ютэрныя сеткі і Web-дызайн,
• Распрацоўка адукацыйных рэсурсаў Internet
• Распрацоўка ППС у сістэме Delphi,
• Мадэліраванне ў Excel і MathСad,

У складзе кафедры восем лабараторый:

• электратэхнікі,
• радыёэлектронікі,
• аўтаматыкі і вылічальнай тэхнікі,
• фізічных асноў ЭВМ,
• асноў інфарматыкі і праграміравання,
• праграмных сродкаў і мадэліравання,
• сучасных інфармацыйных тэхналогій,
• методыкі выкладання інфарматыкі

З 1998 развіваецца адукацыйная сетка Intranet факультэта, прызваная забяспечыць інфармацый-ную падтрымку падрыхтоўкі настаўніка фізікі і інфарматыкі.

Зараз у ёй інтэгравана больш за 300 тысяч разнастайных адукацыўных рэсурсаў: бібліятэка (больш за 100 электронных дапаможнікаў), фізіка ў Internet (15 інтэрактыўных падручнікаў, каля 500 мадэляў і анімацый), астраномія, гісторыя навукі і тэхнікі (больш за 20 тысяч партрэтаў вучоных), студэнцкая навука (каля 100 студэнцкіх работ) і іншыя.

Створаны Internet-сайт, а таксама шэраг тэматычных Web-старонак. У 1998 г упершыню ў рэспубліцы праведзена Internet-віктарына па фізіцы.

Старонкі “Актыўная фізіка” маюць высокі рэйтынг па наведванню і цытуемасці ў СНД. Яны маюць “люстэрка” на афіцыйным серверы Informika Міністэрства адукацыі Расіі.

Аб шырокім выкарыстанні ППС, якія ўпершыню ў рэспубліцы сталі распаўсюджвацца праз Internet, сведчыць той факт, што 16.12.1999 г у Санкт-Петербурзе праведзены гарадскі семінар, прысвечаны методыке правядзення ўрокаў з выкарыстаннем комплекса “Актыўная фізіка”.

Распрацаваныя тэхналогіі і праграмныя сродкі неаднакратна экспаніраваліся на міжнародных выставах, у тым ліку і за мяжой (ИТО, Москва, 1997-99; CeBit`99, Ганновер; Лион, 2000) і адзначаліся дыпломамі. За апошнія пяць гадоў супрацоўнікі кафедры прынялі удзел у 1-й и 3-й міжнародных выставах «Перспектыўныя тэхналогіі і сістэмы» (БелЭКСПО, 1999 і 2001), “Вузаўская навука” -2000, “Адукацыя і кар’ера -2004”, “TIBO-2004” і тройчы адзначаліся дыпломамі.

У пачатку 90-х была распрацавана ідэалогія інтэграванага педагагічнага праграмнага асяроддзя, якая апярэдзіла свой час і дазволіла стварыць эфектыўныя праграмно-метадычныя комплексы "Актыўная фізіка" для сярэдней школы и вну. Яны неаднаразова адзначаліся на конкурсах. Так, на Рэспубліканскім конкурсе педагагічных праграмных сродкаў (22.11.95 г.) канструктар мадэляў "Аптычная скамейка" заняў 1, а праграма "Альмагест" 3 месца. У 1996 тры ПМК былі адзначаны ЮНЕСКО. Да гэтага часу распрацаваныя ППС распаўсюджваюцца Фондам праграмных сродкаў МА РБ і выкарыстоўваюцца ў навучальных установах рэспублікі і іншых краін. Шэраг ППС сертыфікаваны ИИНФО Расіі.